haytararutyunner_archive

27.05.2016
ՎԱՐԺԱՆՔԻ ՀՐԱՎԵՐ
«Իրական Աշխարհ, Իրական Մարդիկ» և «Հանրային տեղեկատվության և գիտելիքի կարիք» հասարակական կազմակերպությունները սիրով հրավիրում են բոլոր հետաքրքրված անձանց մասնակցելու թմրամիջոցների օգտագործումից առաջացած վնասի նվազեցման` մեթադոնային փոխարինող բուժման վերաբերյալ վարժանքի:
Վարժանքի թեմաներն են.
- Ի՞նչ է վնասի նվազեցումը. վնասի նվազեցման փիլիսոփայությունն ու նպատակները;
- Թմրամիջոց օգտագործող անձանց առավել հաճախ հանդիպող իրավունքների խախտումները;
- Թմրամիջոցների և թմրամոլության վերաբերյալ իրավիճակը ՀՀ-ում;
- Մեթադոնային փոխարինող բուժում (ՄՓԲ
). պատմական ակնարկ, ՄՓԲ առաջ դրվող նպատակները, ազդեցության մեխանիզմները, արդյունավետության չափման եղանակները:

Վարժանքը տեղի կունենա հունիսի 7-ին Երևանում: Սկիզբը 09:30, ավարտը 17:00: Շուտով կտեղադրվի նաև վարողների մասին տեղեկատվություն:

Մենք համոզված ենք, որ վարժանքը հետաքրքիր կլինի ՄԻԱՎ/ՁԻԱՀ-ի ոլորտում գործող հասարակական կազմակերպությունների աշխատակիցների, սոցիալական աշխատողների, հոգեբանների, բժիշկների և այլ մասնագետների համար:

Վարժանքը իրականացվում է Բաց Հասարակության Հիմնադրամներ - Հայաստան կազմակերպության ֆինանսական աջակցությամբ:

Մասնակցության համար կարող եք գրանցվել մինչև հունիսի 5-ը այս հղումով կամ ուղարկելով էլեկտրոնային հաղորդագրություն info@realwrp.com հասցեին: Հաղորդագրության վերնագրում խնդրում ենք նշել. «ՄՓԲ վարժանք»: 

Մանրամասների համար կարող եք դիմել info@realwrp.com կամ 094 425582 հեռախոսահամարով:

09.11.2015 

«Իրական Աշխարհ, Իրական Մարդիկ» ՀԿ-ին անհրաժեշտ են ակտիվ, խելացի, նախաձեռնող կամավորներ, ովքեր կաջակցեն նոյեմբերի 24-ից դեկտեմբերի 1-ը ժամանակահատվածում 4 հանրային միջոցառումների անցկացմանը, որն իրենից ներկայացնում է անանուն և անվճար հետազոտություն ՄԻԱՎ-ի վերաբերյալ: Պատրաստականություն հայտնած բոլոր անձիք նախօրոք կմասնակցեն գիտելիքների ու հմտությունների ձեռքբերման դասընթացի և միջոցառման ավարտին կստանան մասնակցության վկայական և շնորհակալագիր: Բոլոր հետաքրքրված անձանց խնդրում ենք նախօրոք`մինչև նոյեմբերի 19-ը, գրանցվել հետևյալ հեռախոսահամարով +374 77 91 83 33 կամ info@realwrp.comՍիրով սպասում ենք Ձեր արձագանքին:

Նմանատիպ միջոցառումներին կարող եք ծանոթանալ հետևյալ հղումներովhttps://www.facebook.com/events/695810980564041/ և


05.11.2012 - Փակված է
Գնանշման հրավեր «ԹՈՔ ՇՈՈՒ»-ի նկարահանում և հեռարձակում 

«Իրական Աշխարհ, Իրական Մարդիկ» ՀԿ-ն հրավիրում է շահագրգիռ կազմակերպություններին ներկայացնել գնառաջարկ «թոք-շոու» կազմակերպման, նկարահանման և հեռարձակման համար:

«Թոք-շոուն» պետք է նվիրված լինի միգրատների շրջանում ՄԻԱՎ-ի ազդեցության նվազեցման, ինչպես նաև ՄԻԱՎ/ՁԻԱՀ-ի կանխարգելման, բուժման, խնամքի ծառայությունների հասանելիության բարձրացման թեմաներին:

Հաղորդումը պետք է պատրաստվի «Իրական Աշխարհ, Իրական Մարդիկ» կազմակերպության հետ սերտ համագործակցությամբ:

Գնառաջարկի ներկայացման վերջնաժամկետը - 16/11/2012

1.Չափանիշներ.

1.1. Հաղորդումը պետք է հեռարձակվի 19.00-24.00 ընկած ժամանակահատվածում,

1.2. Կրկնությունների առկայությունը պարտադիր է,

1.3. Տևողությունը պետք է լինի առնվազն 45 րոպե:

2. Ծառայությունների մատուցման ժամանակացույց.

2.1. Աշխատանքների իրականացման վերջնաժամկետը - 01/12/2012:

3. Այլ պայմաններ.

3.1. Գնառաջարկը պետք է ներկայացված լինի ՀՀ դրամով` առանց ԱԱՀ,

3.2. Ներկայացված գները պետք է մնան անփոփոխ գնառաջարկը ներկայացնելուց 30 օրերի ընթացքում,

3.3. Կատարված աշխատանքների դիմաց վճարումը կիրականացվի ընդունման-հանձման ակտը ստորագրելուց 5 աշխատանքային օրերի ընթացքում:

4. Գնառաջարկի գնահատման չափանիշները.

4.1. Հաղորդաշարի և հեռուստաալիքի լսարանի ծավալը ըստ GFK ցուցանիշի,

4.2. Ծառայությունների արժեքը,

4.3. Նմանատիպ, սոցիալական ուղղվածության, «թոք-շոուների» պատրաստման փորձ:

5. Ներկայացվելիք փաստաթղթերի ցանկ

5.1. Գնառաջարկ,

5.2. Վերջին ամսի համար GFK ցուցանիշի դինամիկայի վերաբերյալ տեղեկանք,

5.3. Նմանատիպ, սոցիալական ուղղվածության, «թոք-շոուների» պատրաստման փորձի վերաբերյալ տեղեկանք:

Խնդրում ենք ներկայացնել գնառաջարկը «Իրական Աշխարհ, Իրական Մարդիկ» ՀԿ-ի գրասենյակՄ.Ավետիսյան 4-րդ փ. տուն 33 հասցեյովՏեղեկությունների համար կարող եք զանգահարել 010249318 կամ 091461307 հեռախոսահամարներով:


23.09.2012 – Փակված է

ՎԱՐԺԱՆՔԻ ՀԱՅՏԱՐԱՐՈՒԹՅՈՒՆ          

«Իրական աշխարհ, իրական մարդիկ» կազմակերպությունը (www.realwrp.com) «Արևելյան Եվրոպայի և Կենտրոնական Ասիայի ՄԻԱՎ-ով ապրող մարդկանց միավորման» (www.ecuo.org) աջակցությամբ իրականացնում է ԶԼՄ-ների հետ աշխատանքին նվիրված դասընթաց` «Ինչպես մամուլը դարձնել Ձեր կազմակերպության արդյունավետ գործիքը» վերնագրով:

ՄԻԱՎ/ՁԻԱՀ-ի ոլորտում գործող հասարակական կազմակերպությունների ներկայացուցիչներին հրավիրում ենք դիմել մասնակցության համար:

Երկօրյա դասընթացը կայանալու է հոկտեմբերի 16-17-ին Երևան քաղաքից դուրս` ընտրությունը անցած դիմողները կտեղեկացվեն մանրամասների վերաբերյալ: Վարժանքի մասնակցության հետ կապված բոլոր ծախսերը հոգում են կազմակերպիչները:

Աշխատանքային լեզուն ռուսերենն է:

Վարժանքը կվարի «Արևելյան Եվրոպայի և Կենտրոնական Ասիայի ՄԻԱՎ-ով ապրող մարդկանց միավորման» մամլո քարտուղար` Յուլիյա Ռասկևիչ: Վարողի CV-ն և վարժանքի նկարագրությունը ռուսերեն լեզվով կարող եք բեռնել այստեղից.

CV    Training topics 

Վարժանքի մասնակիցների թվի սահմանափակ լինելու պատճառով վարժանքի կազմակերպիչները, հնարավոր է, ստիպված կլինեն կատարել ընտրություն: Ընտրությունը կիրականացվի հիմնվելով դիմումի մեջ նշված տեղեկատվության վրա:

Ընտրության ժամանակ նախապատվությունը կտրվի ՄԻԱՎ-ով ապրող մարդկանց, առավել վտանգի ենթարկվող խմբերի, կանանց և աղջիկների ինքնա-կազմակերպությունների, կամ նշված խմբերի շահերը պաշտպանող կազմակերպությունների ներկայացուցիչներին:

Դիմելու համար անհրաժեշտ է լրացնել դիմումի ձևը, որը կարող եք բեռնել այստեղ, և լրացված դիմումը ուղարկել hovhannes@realwrp.com էլեկտրոնային հասցեով: Խնդրում ենք դիմումի ֆայլի անվանման մեջ ավելացնել Ձեր անունն ու ազգանունը:

Դիմելու վերջնաժամկետն է 05.10.2012: Ընտրության արդյունքների մասին կտեղեկացնենք մինչև 08.10.2012:


27.03.2012 – Փակված է

ԱՇԽԱՏԱՆՔԻ ՀԱՅՏԱՐԱՐՈՒԹՅՈՒՆ

«Իրական Աշխարհ, Իրական Մարդիկ» սոցիալական հասարակական կազմակերպությունը հայտարարում է մրցույթ ջատագովության մասնագետի թափուր պաշտոնի համար: 
Ռուսերեն լեզվով աշխատանքի նկարագրին կարող եք ծանոթանալ այստեղ:


14.03.2012 – Փակված է

ԳՆԱՌԱՋԱՐԿ ՆԵՐԿԱՅԱՑՆԵԼՈՒ ՀՐԱՎԵՐ

Շահագրգիռ կազմակերպությունները հրավիրվում են. 
«Հայաստանի հանգստյան գոտիներից որևէ մեկում «Իրական Աշխարհ, Իրական Մարդիկ» սոցիալական հասարակական կազմակերպության 

անդամների աշխատանքային հանդիպման կազմակերպում» RWRP-12-01 ծառայությունների մատուցման համար ներկայացնել գնառաջարկ, նախահաշվի ձևով:
Առաջադրանքի պայմանները, ինչպես նաև, սույն գնառաջարկի հրավերի առանձնահատուկ պայմանները կարող եք բեռնել այստեղ:


17.02.2012 – Փակված է

ԱՇԽԱՏԱՆՔԻ ՀԱՅՏԱՐԱՐՈՒԹՅՈՒՆ

«Իրական Աշխարհ, Իրական Մարդիկ» հասարակական կազմակերպությունը հայտարարում է մրցույթ «Միջ-սահմանային համագործակցություն Հարավային Կովկասում և Ռուսաստանի Դաշնությունում ՄԻԱՎ/ՁԻԱՀ-ի կանխարգելման և հետևանքների նվազեցման համար» ծրագրի անձնակազմի համար:

Մրցույթը իրականացվելու է հետևյալ պաշտոնների համար.

Հետաքրքրված թեկնածուներին խնդրում ենք ուղարկել իրենց կենսագրությունը (CV) և հետաքրքրվածության նամակը հետևյալ հասցեյով.

realwrp@gmail.com վերնագրում նշելով այն պաշտոնը, որի համար հավակնում են:

Հայտերի ընդունման վերջնաժամկետն է ս.թ. մարտի 10-ը:

ԽՐԱԽՈՒՍՎՈՒՄ ԵՆ ՄԻԱՎ-ով ԱՊՐՈՂ ՄԱՐԴԻԿ, ԿԱՆԱՅՔ, ԱԶԳԱՅԻՆ ՓՈՔՐԱՄԱՍՆՈՒԹՅՈՒՆՆԵՐԻ ՆԵՐԿԱՅԱՑՈՒՑԻՉՆԵՐԸ և ՀԱՇՄԱՆԴԱՄՈՒԹՅՈՒՆ ՈՒՆԵՑՈՂ ԱՆՁԻՔ: 

«Միջ-սահմանային համագործակցություն Հարավային Կովկասում և Ռուսաստանի Դաշնությունում ՄԻԱՎ/ՁԻԱՀ-ի կանխարգելման և հետևանքների նվազեցման համար» ծրագրի մասին անգլերեն լեզվով կարող եք կարդալ այստեղ:

«Իարական Աշխարհ, Իրական Մարդիկ» հասարակական կազմակերպության մարդկային կառավարման քաղաքականությանը հայերենով կարող եք ծանոթանալ այստեղ:

«Իարական Աշխարհ, Իրական Մարդիկ» հասարակական կազմակերպության պաշտոնների սանդղակին կարող եք ծանոթանալ այստեղ: