ՀՏՀ ՄԻԱՎ-ի փոխանցում և կանխարգելում

Հարց.
Բարև ձեզԻմ եղբայրը ՄԻԱՎ-դրական էՄենք տանը ունենք տնային կենդանիորը փախել էրև երեխայիս հետ եղբայրս փորձում էր բռնել նրանՍկզբում կենդանին կծեց եղբորսհետո երեխայիսԿա արդյոք ինչ-որ հավանականությունոր վիրուսը կարող է փոխանցվել այդպիսի պայմաններումԽայթոցների միջև ընկած ժամանակը մոտավորապես 5 վայրկյան է եղել:
Պատասխան. 
Կենցաղային ճանապարհով ՄԻԱՎ-ը չի փոխանցվումինչպես նաև կենդանիների միջոցով:
Հավելում. Եթե ձեր ընտանիքում կա ՄԻԱՎ-ով ապրող մարդնշանակում է ձեզ անհրաժեշտ է ուսումնասիրել ՄԻԱՎ-ի մասին տեղեկատվությունորպեսզի ձեր ընտանիքի անդամների համար ապահովեք հանգիստ և առողջ մթնոլորտ:

Հարց. 
Ինչքան է արյան մեջ ՄԻԱՎ-ի խտությունը  բարձր սերմնահեղուկի մեջ պարունակվող ՄԻԱՎ-ի խտությունից:
Պատասխան. 
ՄԻԱՎ-ի խտությունը արյան մեջ շատ ավելի բարձր է, քան սերմնահեղուկի մեջ, հենց այդ պատճառով էլ տարբեր իրավիճակներում վարակման վտանգը տարբեր է: Սակայն կոնկրետ թվերի չենք տիրապետում:

Հարց. 
Ես ունեցել եմ պահպանակով հեշտոցային սեռական հարաբերություն մի մարդու հետ, ում ՄԻԱՎ կարգավիճակն ինձ հայտնի չէ: Կարող եմ արդյոք վարակված լինել ՄԻԱՎ-ով: Որոշ ժամանակ անց, լվացվելուց հետո սեռական հարաբերությունը շարունակվել է առանց պահպանակի, սակայն սերմնաժայթքում տեղի չի ունեցել: Ես կարդացել եմ տարբեր կայքերից, որ տղամարդուց կնոջ վարակում տեղի է ունենում սերմնահեղուկի միջոցով: Հնարավոր է, արդյոք, առանց սերմնահեղուկի առկայության, ուղղակի կոնտակտի դեպքում վարակվել ՄԻԱՎ-ով: Կա արդյոք փոխանցման վիճակագրություն, եղել են արդյոք դեպքեր, երբ ՄԻԱՎ դրական զուգընկերոջից վիրուսը չի փոխանցվել և ինչի հետ է դա կապված:
Պատասխան. 
Վիրուսի փոխանցման անհրաժեշտ պայման է հանդիսանում ՄԻԱՎ պարունակող հեղուկի առկայությունը: Ձեր իրավիճակում վտանգը բացառված չէ, քանի որ էռեկցիայի ժամանակ միզատար ուղուց արտազատվում են մեկ երկու կաթիլ թափանցիկ հեղուկ, որի մեջ կարող է պարունակվել փոխանցման համար ՄԻԱՎ-ի բավարար քանակություն: Սակայն առանց սերմնաժայթքման ռիսկը բավականին ցածր է:

Հարց. 
Ցանկանում եմ իմանալ, ինչպիսի ջերմաստիճան է հարկավոր ՄԻԱՎ-ը ոչնչանալու համար: Եթե եռացնենք մի քանի օր առաջ ՄԻԱՎ-ով ապրող մարդու օգտագործած ներարկիչը, կոչնչանա արդյոք վիրուսը:
Պատասխան. 
Եռացնելու դեպքում վիրուսը մահանում է միանգամից, մինչև վաթսուն աստիճանի դեպքում քսան րոպեի ընթացքում, օդում` արյան չորանալու դեպքում:

Հարց. 
Եթե ունենանք սեռական հարաբերություն մի աղջկա հետ, ով վարակվել է ՄԻԱՎ-ով ամիս կամ մի քանի օր առաջ, ինչքան է հավանականությունը, որ վիրուսը կանցնի զուգընկերոջը` առանց պահպանակի սեռական հարաբերության կամ օռալ սեռական հարաբերության դեպքում: Չէ որ երեք ամիս դեռևս չի անցել:
Պատասխան. 
Եթե վիրուսը մարդու արյան մեջ է անցել, ապա արդեն վեցից ութ ժամ հետո հնարավոր է վիրուսի փոխանցումն այլ մարդու: Երեք ամսվա ժամկետը վերաբերում է միայն ՄԻԱՎ-ի թեսթավորմանը: Քանի որ թեսթ համակարգերը հիմնված են ՄԻԱՎ-ի հակամարմինների որոշման վրա, այլ ոչ թե վիրուսի:

Հարց. 
Ես ծակել եմ մատս ՄԻԱՎ դրական կնոջը ենթամաշկային ներարկում կատարելիս: Ասեղի վրա արյուն չկար, բայց իմ մատի ցակած մասից եկավ արյուն: Ինձ նշանակել են ՀՌՎ կանխարգելիչ պրոֆիլակտիկ բուժում, ինչքանով է դա նպատակահարմար, եթե փոխանցման հավանականությունը շատ փոքր է, արդյոք ես ինձ ավելի չեմ վնասի դեղահաբերն ընդունելիս: Ինչքանով ես տեղեկացված եմ դրանք վտանգավոր են:
Պատասխան.
Իհարկե ՀՌՎ դեղամիջոցների ընդունման ժամանակ կարող են լինել կողմնակի էֆֆեկտներ` հոգնածության զգացողություն, սրտխառնոց, փորլուծություն, գլխացավեր: Ցանկացած հաբերի ընդունում, ասպես թե այնպես, արտահայտվում է մարդու առողջության վրա, բայց դրանք համարել մարդու օրգանիզմի համար վնասակար ճիշտ չէ: Ամենակարևորն այն է, որ ձեզ նշանակած թերապիան նվազեցնում է ՄԻԱՎ-ի փոխանցման ռիսկը: Ձեզ կողմից նկարագրված իրավիճակում ռիսկը իսկապես աննշան է, բայց դուք պետք է որոշեք, թե տվյալ իրավիճակում ինչ ընտրել. աննշան հնարավոր, բայց ոչ պարտադիր  հետևանքներ հաբերի կարճաժամկետ կուրսից կամ թեկուզ և աննշան հավանականություն դառնալ ՄԻԱՎ դրական:
Comments